договорная грамота князя Дмитрия Ивановича Донского с его братом князем Владимиром Андреевичем Серпуховским


 

 Хрестоматия по истории

 

 

ДОГОВОРНАЯ ГРАМОТА ВЕЛИКОГО КНЯЗЯ ДИМИТРИЯ ИВАНОВИЧА ДОНСКОГО И ЕГО ДЕТЕЙ С БРАТОМ ЕГО КНЯЗЕМ ВЛАДИМИРОМ АНДРЕЕВИЧЕМ

 

 

 

 

Договор между великим князем Димитрием Донским и его двоюродным братом князем Владимиром Андреевичем Серпуховским заключен в 1388 г. Это — третья договорная грамота между названными князьями. Грамота напечатана в «Собрании государственных грамот и договоров», т. I, № 33.

 

По благословенью отца нашего Пимина митрополита всея Руси. Се яз Князь Великий Дмитрий Ивановичь принял есм в любовь брата своего молодшего и своего сына Князя Володимера Андреевича, и докончали есмы \ и целовали есмы крест у своего отца у митрополита. Быти ны 2 за один, и имети ему мене отцем, а сына моего Князя Василья братом старейшим, а Князя Юрья братом, а дети мои меньшие братьею молодшею; а жити ны по тому, как жили Отци наши с своим братом с старейшим, а с нашим Дядею, со Князем Великим Семеном. Тебе брату моему мо- лодшему и моему сыну Князю Володимеру Андреевичу держати ти 3 под мною и под моимь сыном под Князем под Васильем, и под моими детми Княженье мое Великое честно и грозно; а добра ти мне хотети и моим детем во всемь, а служыти ти мне без ослушанья. А что ти слышев о мне и о моих детех от хрестья- нина или от поганина, то ти нам поведати в правду.

 

А хто будеть друг мне и моим детем, то и тебе друг; а хто будеть мне и моим детем недруг, то и тебе недруг, а тобе такоже и твоим детем. А тобе брату моему молодшему и моему сыну без мене и без моих детий не канчивати   ни с кемже, а мне бес тобе. А мне и моим детем что слышев о тобе от христьянина или от поганина, а то тобе поведати в правду. А чим мя благословил Отець мой Князь Великий Иван в городе в Москве и в станех два жеребья, и пошлин всех два жеребья, такъже и Коломна с волостми, и Звенигород с волостми, и Можаеск с волостми и отъездными месты, и Великим Княженем; того ти подо мною блюсти и под моим сыном подо Князем под Васильем и под моими детми. А чим благословил тобя Отець твой Князь Андрей в городе Москве и в станех треть, и пошлин всех треть, уделом, чем тя благословил Отець твой; а что ти дал Отець мой Князь Великий Иван Городець в Лопастны место, и ты мне потом челом добил отцом моим Алексеем Митрополитом всея Руси и яз тобе пожаловал, дал ти 'есмъ Лужу и, Боровеск, и что ти ся достало удела княгинина Ульянина; того всего мне Князю Великому, и моему сыну Князю Василыо и моим детем под тобою блюсти и под твоими детми. А коли иму слати  свои данщикы в город и в станы, а тобе слати свои данщикы с моими вместе. А что ти ся есм был отступил дани в Растовце и в Перемышле, а на то ны слати свои данщикы вместе, как было при нашем Деде при Великом Князи и при наших Отцех. А что наши данщикы сберут в городе и в станех и в ва- рях  тому ити в мою казну, а мне давати в выход . А на Козлов брод слати ти своего данщика, тем тя есм пожаловал; а что зберет, тому ити в мою казну, в городьскую дань.

 

А оже ны бог избавит, ослободит от Орды, ино мне два жеребья, а тебе треть. А Ординьская тягость такъже и протор   дати ти мне брату своему старейшему и отцю и сыну моему Князю Василью с своего удела и со княгинина удела Ульянина с твоее трети в пять тысячь Рублев триста рублев и двадцать рублев; а прибудет ли, убудет ли, ино по розочту; а долг бесерменьский   и протор, и руський долг, а то ны подъняти по тому же по розчету- А что наши ординци и делюи , а тымь знати своя служба, как было при наших Отцех; а численых людий блюсти ны с одиного, а земль их не купити. А который слуги к дворьскому , а черный люди к становщику, тых в службу не приимати, а блюсти ны их с одиного, а земель их не купити. А в той ми удел данщиков своих, не приставов своих не всылати; такоже и тобе и во все в мое Великое Княженье, ни грамот не давати, ни закладний не держати. А судов ти Московь ских без моих Наместников не судити, а яз иму Московьскыи суды судити; тем мя ся с тобою делити. А буду опроче Москвы, а ударит ми челом Москвитин на Москвитина, пристава ми дати, а послати ми к своим Наместником, ини исправу учинят, а твои Наместники с ними: а ударит ми челом хто из Великого Княженья на Москвитина на твоего Боярина, и мне пристава послати по него, а тобе послати за своим своего Боярина.

 

А ударит ми челом мой на твоего, хто живет в твоем уделе, и мне послати к тобе, и тобе ему исправа учинити; а ударит ти челом твой на моего, хто живет в моем уделе и в Великом Княженьи, и тоже послати ко мне, и мне ему исправа учинити; а за ними слати нам своих Бояр. А которые суды потягли к городу к Москве при наших Отцех, те суды и нонеча потянут к городу. А сел ти не купити в моемь уделе ни в Великом Княженьи, ни твоим детем, ни твоим Бояром. А хто будет покупил земли данные, служни или черных людий, по Отца моево животе по Князя Великого по Иванове, а те хто взможет выкупити, ине выкупят; а не взмогут выкупити, ине потянут к черным людем; а хто не въсхочет тянути, ине ся земль съступят, а земли черным людем даром. Такъже и мне, и моим детем, и моим Бояром сел не купити в твоемь уделе; а хто будет покупил, а то по тому же. А Бояром и слугам межи нас вольным воля.

 

А хто имет жити моих Бояр и моего сына Княжих Васильевых и моих детей в твоем уделе, блюсти ти их как и своих, и дань взяти как и на своих: а хто имет жити твоих Бояр в моем уделе и в Великом Княженьи, а тех нам блюсти как и своих, и дань взяти как и на своих. А коли ми взяти дань на своих Боярех на больших и на путныхкогда ти взяты на своих такъже по кормленью и по путем, да дати ти мне, а то опроче того урока трех сот рублев и двадцати. А коли ми будет послати на рать своих Воевод, а твоих Бояр хто имет жити в моемь уделе и в Великом Княженьи, тем поехати с моим Воеводою, а моим по тому же с твоим Воеводою. А коли ми будет самому всести на конь, а тобе со мною; или тя куды пошлю, и твои Бояре с тобою. А Московьская рать хто ходил с воеводами, те и нонеча с Воеводами, а нам их не приимати. А гости и суконьников и городьскых людий блюсти ны с одиного, а в службу их не приимати. А в город послати ми своих Наместников, а тебе своего Наместника, ине очистят и холопов наших и сельчан по Отца моего животе по Князя Великого.

 

 А которая дела учинятся межи нами, и нам отъслати своих бояр, ине исправу учинят; а о чем сопрутъся, ини едут к Митрополиту; а не будет Митрополита в сей земле, ине на третей, кого себе изберут: а которые Бояре умолвят, то подоймет Князь, которого умолвят, а Боярам вины нет. На семь на всем целовали есмы крест яз Князь Великий Дмитрий Ивановичь и сын мой Князь Василей и за свои дети Князю к Володимеру Ондреевичу и к его детем; а Князь Володимер Ондреевичь целовал крест ко мне ко Князю к Великому и к моему сыну ко Князю Василыо и к моим детем и за свои дети, по любви в правду, без всякые хитрости.

 

 

 

Смотрите также:

 

великий московский князь Василий сын Дмитрия Донского

Разные известия. Добродетель супруги Донского. Димитрий оставил Россию готовую снова
В духовной записи Владимир Андреевич поручает супругу и детей великому Князю
Как сия, так и договорные, вышеупомянутые грамоты свидетельствуют, что Великий Князь и...

 

ГОРОДСКОЕ НАСЕЛЕНИЕ в средневековой Руси

В духовных и договорных грамотах мы встречаем упоминания о сборе дани по городам. Например, в докончании великого князя Димитрия Ивановича с князем серпуховским и боровским Владимиром Андреевичем около 1367 г. говорится: «А коли ми бу...

 

Владимирская Русь. Великий князь Владимирский.

В произошедшей затем борьбе великий князь Димитрий Иванович водил с собой на ратное поле тестя своего Дмитрия Константиновича Суздальского с двумя братьями его и сыном, двоюродного брата Владимира Андреевича Серпуховского, троих князей ростовских, князя...