Хрестоматия по истории

ПОВЕСТЬ О ВЗЯТИИ КАЗАНИ   

Краткий, но содержательный рассказ о взятии Казани, написанный вскоре после 1552 г., находим в Софийской второй летописи. Печатается с сокращением цитат из церковных произведений по «Полному собранию русских летописей», т. VI, стр. 309—313.

О Казанском взятии, како взята бысть Казань, бесерменский град, благоверным государем великим князем Иваном Васильевичем всеа Русии.

В лето 7061, месяца октября во 2 день, на память святых мученик Кипреяна и Устинии девицы, наутрее праздника пречистые Богоматере честнаго ея Покрова, въ неделю, свитающу дню  въ 1 час дни... Царь и великий князь государь Московский всеа Русии князь Ив&н Васильевичь прииде от заутрени в самую ту неделю, в первый час дни, и повеле бояром своим и воеводам строити полки по достоянию. Повеле быти царю Шиголею Шигольяро- вичю на Арском поле и с ним многим воеводам; и вскоре поставиша полки на Арском поле стеречи людей Казанских, дабы не были в приступ с лесу на помощь граду. И такоже прочих воевод разряди с полки многими: овых отпусти на Галицкую дорогу, за Казань за реку, под лес, инех же по£ла воевод по Нагайской дороге на озеро на Кабан, инех же воевод постави на Бежболде от Волги; и тако разрядив полки всюду вскоре. И такоже посла вскоре к размыслу Немчину, повеле уготовати подкоп. Есть бо подкоп в дву местех: един подкоп под стену от Поганого озера на углу под стрелнею на десной 5 стране у Арских ворот, идеже ныне Спасския ворота именуются и храм у них во граде поста виша святых мученик Кипреяна и Устинии девицы; а другой подкоп на углу же под стрелнею от Булака стрелбищо 6, по левую сторону, туто были Нагайския ворота, ныне же зарешены от пеших людей. И приступити повеле.

И бе много множество людей безчисленно, яко бе невместимо круг града, и атаманы бяше и стрелцы с пищалми много множество со всех стран, и обступиша град великою силою: и с его страны от Великия башни противу Арских ворот, и от Булака, идеже стояла левая рука 8 и сторожевой полк, идеже ныне именуются Сергиевские ворота и храм стоит у ворот внутри града во имя его; и тии приступиша ко граду. А с Казани реки к стене приступиша правая рука отъ Водяных ворот, а с ними многие атаманы и стрелци с пищалми, многие казачья и боярские люди со всех стран, и от Муралеевых ворот. А от Нижних ворот, от стараго городища, сиречь отъ Збойливых ворот, идеже ныне стоит храм Николы чюдотворца, а из Поганых озерок приступиша ертоул да передовой полк; и такоже обступиша всюду града много множество людей. Князь же великий повеле в стану своем в набаты 1 бити, да соберутся людие на то устроение ко граду на приступ.

И всяде государь на избранный свой конь вооруженный и поостри мечь свой на град, и возопиша же к нему бояре его и воеводы и все воинство полку его: «царь государь! взем бога на помощь и пречистую его богоматерь и святых чюдотворец Русьских и всех святых, владычнею десницею покровени быхом; Христос с нами, никтоже на ны! Бог поспешит ти и ускорит ти своею благодатию». Князь же великий скоро посылает ко граду Казани, повелевает отволочити от града Казани снаряд стенобитный, от обоих подкопов болших, пушки единой имя Колцо, а другой имя Ушатая, и огненыя пушки и весь снаряд, такоже и Змей летячей, и Змей свертной и прочий снаряд весь отволокоша. И повеле князь великий знамя развертети. И тако поиде ко граду Казани. Пере- шед Булак и взыде к горе и ста полком, и повеле в набаты бити и в накры   многи, и в сурны   играти, и в трубы трубити; яко гром велик возшуме, не бе слышати что глагола друг другу. И став противу Арских ворот, ныне же именуются Спасские, идеже ныне стоит храм господа бога нашего Исуса Христа нерукотворенного образа, и вскоре посылает к туром князя Михайла Ивановича Воротынского, да велит размыслу Немчину подкоп зажещи в дву местех, и повеле приступити ко граду со всех стран.

И абие загореся подкоп в первый час дни в неделю, вырвавше стены много во едином месте, и после в другом месте потому же, и нача метати стрелни и городни   и древеса граднии и с землею, яко до небес меташе, и с людми, иже бе на граде стояще, готовящеся к приступу; меташе же людие Казанстии овии во град, иных на иную страну. Егда вырваша подкоп, и в той час учиниша приступ со. всех стран, християнстии же людие кликнуша вси единогласно: «о владыко! не остави нас, буди помощник». И тако великим звуком приступиша в первый час дни, мню яко земли колебатися от обоих шума и от трескоты древяного, овии в полы места полезоша, инии же по лестницам, иные же по прислоном, а иные на обломки полезоша; и тако чрез стену скоро взлезоша во град, бьюще по улицам татар и катун  , мужей и жен, по дворам, иные же в ямы валячися из мизгитей 8 и с полат, и секуще их и одираху до последния наготы.

И тако вскоре, премудраго бога промышле- нием, неколико тысящь побита людей Казанских; и тако, божиею милостию и его крепкою десницею, ни един Татарин Казанцов не возмогоша битися противу людей християнских, бежаша вси градом, и такоже туто побиша их и пригониша их ко цареву двору. Они же сташа о цареве дворе, хотяще битися, и абие християн- стии людие со всех стран много множество приидоша, и тако бию- щеся и секуще их, яко крови их по удолиям   течаше и телеса их невместимо по улицам проити, и такоже по улицам людие на земли лежаху. Людие же Казанские восхотеша о цареве дворе битися, и видевше они окаяннии, что невозможно стати против хрестьянских людей, и абие2 побегоша с царева двора за град, с стены валяющеся, за Казань за реку к лесу по Галицкой дороге побегоша; а абие ту стояше великого князя правая рука, князь Петр Михайловичь Щенятев да князь Андрей Михайловичь Курбской и с ними многие люди Московстии, и Ноугородцы, и Псковичи, тех всех людей Казанских на голову побиша, от них мало тех которые на лес утекоша. Во граде же бяше христьянстии людие много множество безчислено княгинь, и мурзиныхъ жон, и девок и детей взяша, такоже рку вскоре от великих и до простых людей. И такоже начаша царя Казанского искати Аидигеря, по всем странам града: занеже бе его искаху и не обретоша, и в Цареве дворе языков3 много пытающе, не ведяху никтоже его; и абие устремишася Палецкого княжь Дмитреевы слуги на левую страну града Казани, идеже зовутся у них Збойливые ворота, ныне же зарушены, и такоже на стене взяша царя Аидигеря, Ка- сым Салтанова сына, и Аетороханского царевича, и вневеды 4 хотяше убити его, и абие ту с ним некии татарове бяше сказаша о нем, яко царь есть. О предивное чюдо и великое божие милосердие! на толикое малое время, на един час, толико тысящь побили Казанских людей, и царя из града взяша, и царство его плениша.

И тако поиде весть православному царю государю великому князю Ивану Васильевичю всеа Русии, яко царя Аидигеря Казанского к нему ведут и град взяша и огнем запалиша, и тако посылает вскоре боярина своего Данила Романовича во град Казань и повелевает ему проповедати толико великое милосердие мило- стиваго бога, промышлением сотворил и елико же на начаянная со- деяшася; и тако посылает боярина своего князя Дмитрея Федоровича Палецкого, и повелевает ему взяти царя Казанского Аидигеря и вести ему къ собе в стан. Сам же государь разлиявся слезами от великия радости, никакоже можаше ся удержати, едва рече: сий день, иже сотвори господь, возрадуемся и возвеселимся в онь; и абие рече: сеющей слезами, радостию пожнут. И тако ту повеле крест поставити и повеле молебны пети Спасу и пречистой богоматери и чюдотворцом; сам же государь от великия радости повеле в сурны играти в ратные, и в трубы трубити, и в набаты бити безпрестанно. И такоже князь Дмитрей Палецкой взяше царя Казанского Аидигеря и веде его в стан свой. И тако царь государь и великий князь от духовного труда своего и утер поту лица своего и похвали войско свое.

И тако приемля радостию лобзает брата своего князя Володимера Ондреевича, и глаголя: «отечество бо наше взыскашеся прародителей наших, царство заблужшее к нам возвращешеся: един есмь государь великий царь над Русыо и над Казанию учинихся». И такоже рече бояром своим и всем детем боярским, елико же их есть: «князи и бояре, и дети боярские, и все люди християнстии! истиннии есте страдалцы имени ради Христова; яко никтоже николиже в нынешнее время нигде тако пострада, якоже вы». И тако вскоре отсылает от собя в полки к воеводам своим с жаловалным словом своим, и повелевает им к собе быти, да видят царские очи за их прямую службу.

Князь же великий восхоте сам внити во град, и такоже вскоре возвратися в стан свой с великою победою, благодаря истинного бога, яко дав ему толику победу на супротивныя его; и тако прииде в стан свой, возрадовася великою радостию, и повелевает духовному своему отцу и служителю Андрею, да соберет клирики, да свершит молебная Спасу и пречистой богоматери и всея Русьския земли и области чюдотворцом. И тако вскоре посылает весть к великой княгине и ко князю Юрыо Васильевичи) брату своему, такоже и к митрополиту, боярина своего Данила Романовича Юрьева: яко дарова ему бог поискание прародителей своея отчины, град Казань взял и землею Казанскою обладает, царствует в веки.