Хрестоматия по истории

МОСКВА В ПЕРВОЙ ПОЛОВИНЕ XIV ВЕКА   

МОСКВА В ПЕРВОЙ ПОЛОВИНЕ XIV ВЕКА

Летописные известия о Москве времени Ивана Калиты и его двух преемников немногочисленны. Они включены в летопись в числе других источников немосковского происхождения. Выборку этих известий мы здесь делаем по так называемой «Симеоновской летописи», сохранившей летописные известия первой половины XIV в. в сравнительно первоначальном виде (см. «Полное собрание русскйх летописей», т. XVIII).

Князь Данило Московский воевал Рязань. Toe же осени князь Данило Московский приходил ратью на Рязань, и билися у города у Переяславля, и князь Данило Московский измогл и много бояр избил, а князя Костянтина Рязанского некоею хитростию ял и приведе к себе на Москву.

В лето 68112 преставися князь Иван Дмитриевич Переяславский, боголюбивый и смиреный и кроткий, и тихий, месяца майа в 15, и беяше чад не имея, и благослови в свое место Данила Московского княжити на Переяславли, а наместници князя великого Андреевы   збежали.

Преставление великого князя Данила Московского. В лето 6812   месяца марта в великое говеино  на безымянной неделе6 в вторник преставися князь Данило Александрович, внук Ярославль, правнук великого Всеволода, в чернцех и в скиме, и положен бысть в церкви святого Михаила на Москве, в своей отчине. А по животе княже Данилове переяславци яшася за его сына за князя Юрья и не пустиша его на погребение отне. И тое же весны князь Юрьи Даниловичь с братьею своею ходил к Можайску, и Можаеск взял, а князя Святослава ял и привел к собе на Москву.

В лето 6815  князь Юрьи выеха на Москву с Рязани, а на осень бысть Таирова рать . Тое же осени князь Александр и Борис отъехали в Тферь с Москвы. Toe же зимы князь Юрьи князя Костянтина убил Рязанского.

Того же лета   князь великий Михайло Ярославич Тферскый ходил в другие к Москве ратью, всею силою, и бысть бой у Москвы, на память святого апостола Тита, и града не взяша, и не успевше ничто же возвратишася.

В лето 68252 прииде из Орды князь великий Юрьи Даниловичь на великое княжение, а с ним царев посол Кавгадый. Того же лета князю Ивану Даниловичю родися сын, месяца сентября в 7 день и наречен бысть князь Семен. Toe же зимы князь великий Юрьи Даниловичь приходил ратью великою к Тфери, на Бортеневе бой великь, сеча зла, и поможе бог тферичем и князь Михайло изможе, и побиша московскую рать, а иные разбегошася, а князь Бориса яша руками и Кончаза, княгиню Юрьеву, и поведоша их в Тферь, и тамо зельем уморена бысть Кончак, княгиня великаа Юрьева, сестра царева, нареченая в святом крещении Агафиа.

В лето 6833 3 поиде в Орду князь великий Дмитрий Михайлович. Toe же зимы, месяца ноября в 21, на память честного вве- дениа святей богородицы, князь Дмитрий Михайлович Тферский в Орде убил князя великого Юрья Даниловича, и привезоша тело его на Москву и положиша его в церкви святого Михаила.

В лето 6834 4, месяца марта в 30, князю Ивану Даниловичю родися сын и наречен бысть Иван. Того же лета месяца августа в 4, на память святого мученика Елфериа, заложена бысть первая церковь камена на Москве на площади, во имя святыя Богородица, честного ея Успениа, пресвященным Петром митрополитом и благоверным князем Иваном Даниловичем. Пресвященный же Петр митрополит създа себе своима рукама гроб камен в стене, иде же последи положен бысть, еже и ныне лежить.

В лето 6836 5 седе князь великий Иван Даниловичь на великом княжении всеа Русии, и бысть оттоле тишина велика на 40 лет и престаша погани воевати Русскую землю и закалати христиан, и отдохнуша и починуша христиане от великиа истомы и многыа тягости, от насилиа татарского, и бысть оттоле тишина велика по всей земле.

В лето 6841 6 благоверный князь великий Иван Даниловичь създа церковь камену на Москве во имя святого архангела Михаила; единого лета и почата бысть и кончана. Toe же зимы приведена бысть князю Семену Ивановичю княжна из Литвы, именем литовьским Аигуста, и крестиша ю, и наречена бысть в святом крещении Анастасиа; и бысть брак велик на Москве, овадьба князю Семену, а князь Семен тогды был семинатцати лет.

В лето 68477 князь великий Иван Даниловичь поиде в Орду, а с ним сынове его, Семен, Иван, а князя Андрея, сына своего, послал бяше в Новгород Великий. Того же лета и на Русь прииде из Орды князь великий Иван, а в свою отчину, пожалован богом и царем. На ту же зиму, месяца ноября в 25, замыслиша заложиша рубити   город Москву, а кончаша тое же зимы на весну в великое говеино.

В лето 68482 преставися князь великий московский Иван Даниловичь, внук великого Александра, правнук великого Ярослава, в чернцех и в скиме, месяца марта в 31, на память святаго отца Стефана чюдотворца, а в гроб положен бысть месяца апреля 1, в церкви святого Михаила, юже сам создал в своей отчине на Москве, и плакашася над ним князи, бояре, велможи, и вси мужие москвичи, игумени, попове, дьякони, черньци и чер- ници, и вси народи, и весь мир христианьский, и вся земля Русская, оставши своего государя. Сына же его князя Семена не бысть на провожении отца своего, бяше бо был в то время в Нижнем Новегороде. На ту же осень выиде из Орды князь Семен Иванович на великое княжение, а с ним братья его князь Иван и Андрей, и седе князь великий Семен на столе в Володимере в ве- лицей и соборней церкви святей Богородици на великом княжении всеа Русии, месяца октобря в 1.

В лето 6852  поиде в Орду князь великий Семен, а с ним братья его, князья Иван да Андрей, и вси князи тогда в Орде были. Того же лета поч'ата быша подписывати на Москве две церкви камены, святая Богородица, да святый Михаил. Святую же Богородицу5 подписывали греци, митрополичи писци, Фео- гностовы да которого лета почяли подписывати, того же лета и кончали подписывати ю; а святого Михаила 6 подписывали рус- скыя писцы, князя великого Семена Ивановича, в них же бе старейшины и началници иконописцем Захарья, Иосиф, Николае и прочая дружина их; но ни половины церкви не могли того лета подписати, величества ради церкви тоя.

В лето 68547 кончали подписывати три церкви на Москве камены, святого Спаса и святого Михаила, и святого Ивана Лествичника. Того же лета князь великий Семен и брат его Иван и Андрей, мастерю Бориско слил три колоколы великиа, а два малыя.

Тое же весны8 за полсемы недели, как минули сорочины Феогносту митрополиту, по велице дни, месяца апреля в 26, на память святого мученика Василиа, преставися князь великий Семен Иванович московский, княжив лет 12, и положен бысть в своей отчине Москве в церкви святого Михаила.