Вся электронная библиотека

оглавление

    

Древнерусские летописи.

 

Для правильного отображения символов необходимо скачать и установить летописный шрифт

  

 

НОВГОРОДСКАЯ ПЕРВАЯ ЛЕТОПИСЬ СТАРШЕГО ИЗВОДА

СИНОДАЛЬНЫЙ СПИСОК

 

 Часть 1 2 3 4 5 6 7

 

В лЂто 6774 [1266]. Посадиша пльсковичи у себе князя Довмонта Литовьского. Того же лЂта вложи богъ въ сердце Довмонту благодать свого побороти по святои Софьи и по святои Троици, отмьстити кровь христьяньскую, и поиде со пльсковичи на поганую Литву, и повоеваша много, и княгыню Герденевую взяша, и 2 княлшча взяша. Князь же Гердень совкупи около себе силу Литовьскую, и погонися по нихъ. И яко увЂдаша пльсковичи погоню, отслаша /л.142об./ полонъ, а сами сташа крЂпко противу имъ о сю сторону Двины. Литва же начаша бродитися на сю сторону; тогда пльсковичи сняшася с ними; и пособи богъ князго Довмонту съ пльсковичи, и множьство много ихъ побиша, а инии в рЂцЂ истопоша, толко убЂжа одинъ князь Гердень в малЂ дружинЂ; пльсковичи же придоша вси здорови. Того же лЂта, на зиму, ходиша пакы пльсковичи на Литву съ княземь Довмонтомь. Того же лЂта приде князь Ярославъ в Новъгородъ с полкы низовьскыми, хотя ити на Пльсковъ на Довмонта; новгородци же възбраниша ему, глаголюще: «оли, княже, тобЂ с нами увЂдавъшеся, тоже Ђхати въ Пльсковъ»; /л.143./ князь же отсла полкы назадь.

В лЂто 6775 [1267]. По грЂхомъ нашим загорЂся на Кузмадемьяни улиди мЂсяца маия 23, передъ вечернею, и погорЂ всь конець Неревьскыи. О, горе, братье, толь лютъ бяше пожаръ, яко и по водЂ хожаше огнь, и много товара погорЂ на Волхо†в лодьяхъ, и нЂколико головъ сгорЂ, и одиномь часЂ все погорЂ; и мнози от того разбогатЂша, а инии мнози обнищаша. Того же лЂта ходиша новгородци съ ЕлефЂрьемь Сбыславичемь и с Доумонтомь съ пльсковичи на Литву, и много ихъ повоеваша, и приЂхаша вси здорови.

 1 В рукописи и и, очевидно, по описке. В КА иныи

В лЂто 6776 [1268]. Сдумаша новгородци с княземь своимь Юрьемь, хотЂша ити на Литву, а инии на Полтескъ, а инии 1 за Нарову. И яко быша на ДубровнЂ, бысть распря, и въспятишася и поидоша за Нарову къ Раковору, /л.143об./ и много в земли ихъ потратиша, а города не взяша; застрЂлиша же с города мужа добра Федора Сбыславича и инЂхъ 6 человЂкъ; и приЂхаша здорови. Того же лЂта сдумавше новгородци с посадникомь Михаиломь, призваша князя Дмитрия Александровича ис Переяславля с полкы, а по Ярослава послове послаша; и посла Ярославъ в себе мЂсто Святъслава с полкы. И изискаша мастеры порочныЂ, и начаша чинити порокы въ владычни дворЂ. И прислаша НЂмци послы своя, рижане, вельяжане, юрьевци и изъ инЂхъ городовъ, с лестью глаголюще: «намъ с вами миръ; перемогаитеся с колыванци и съ раковорци, а мы к нимъ не приставаемъ, а крестъ цЂлуемъ».

 1 Второе п едва заметно

 2 В рукописи дорогомиловилоча. В А дорогомиловича

 3 Буква ы переделана из о

 4 В рукописи буква к опущена: оставлено чистое место.

И цЂловаша послы крестъ; а тамо Ђздивъ Лазорь Моисиевичь /л.144./ водилъ всЂхъ ихъ къ кресту, пискуповъ 1 и божиихъ дворянъ, яко не помогати имъ колыванцемъ и раковорцемъ; и пояша на свои руцЂ мужа добра из Новагорода Семьюна, цЂловавше крестъ. И совкупившеся вси князи в Новъгородъ: Дмитрии, Святъславъ, брат его Михаило, Костянтинъ, Юрьи, Ярополкъ, Довмонтъ Пльсковьскыи, и инЂхъ князии нЂколико, поидоша к Раковору мЂсяца генваря 23; и яко внидоша в землю ихъ, и роздЂлишася на 3 пути, и много множьство ихъ воеваша. И ту наЂхаша пещеру непроходну, в неиже бяше множьство Чюди влЂзше, и бяше нЂлзЂ ихъ взяти, и стояша 3 дни; тогда мастеръ порочныи хытростью пусти на ня воду, Чюдь же побЂгоша сами вонъ, и исЂкоша ихъ, а товаръ новгородци князю Дми/л.144об./трию всь даша. И оттолЂ поступиша к Раковору; и яко быша на рЂцЂ КЂголЂ, и ту усрЂтоша стоящь полкъ нЂмецьскыи; и бЂ видЂти якои лЂсъ: бЂ бо съвкупилася вся земля НЂмецьская. Новгородци же не умедляче ни мало, поидоша к нимъ за рЂку, и начаша ставити полкы: пльсковичи же сташа по правои руцЂ, а Дмитрии и Святъславъ сташа по ІІраву же выше, а по лЂву ста Михаило, новгородци же сташа в лице желЂзному полку противу великои свиньи. И тако поидоша противу собЂ; и яко съступишася, бысть страшно побоище, яко не видали ни отци, ни дЂди. И ту створися зло велико: убиша посадника Михаила, и Твердислава Чермного, Никифора Радятинича, Твердислава Моисиевича, Михаила Кривцевича, Ивача, /л.145./ Бориса Илдятинича, брата его Лазоря, Ратшю, Василя Воиборзовича, Осипа, Жирослава Дорогомиловича, 2 Поромана Подвоиского, Полюда, и много добрыхъ бояръ, а иныхъ черныхъ людии бещисла; а иныхъ без вЂсти не бысть: тысячьского Кондрата, Ратислава Болдыжевича, Данила Мозотинича, а иныхъ много, богъ и вЂсть, а пльскович такоже и ладожанъ; а Юрьи князь вда плечи, или перевЂтъ былъ в немь, то богъ вЂсть. Но то, братье, за грЂхы наша богъ казнить ны и отъятъ от насъ мужи добрыЂ 3 да быхом ся покаяли, якоже глаголеть писание: дивно оружие молитва и постъ; и пакы 4: милостыни совкупилася с постомь, от смерти избавляета человЂка;

 1 В рукописи не помянемъ

 2 В Воскресенской летописи дръжа же гнЂвъ на

и пакы помянемъ 1 Исаия пророка, глаголюща, аще хощете послушати мене, благая земная снЂсте; аще ли не хоще/л.145об./те, ни послушаете мене, оружие вы поясть, и тако поженеть единъ 100 васъ, а от ста побЂгнет 1000 васъ. Мы же ту страсть видЂвъше, ни худЂ покаемся грЂхъ своихъ, но горше быхомъ на зло, братъ брата хотяще снЂсти завистию и друг друга, крестъ цЂлующе и пакы преступающе, а не вЂдуще, кака есть сила крестная: крестомь бо побЂжены бывають силы бЂсовьскыя, крестъ княземъ пособить въ бранехъ, крестомь огражаеми вЂрнии людие побЂжають супротивныя; иже бо крестъ преступають, то и сдЂ казнь приимають, и на ономь вЂцЂ муку вЂчную. Мы же на преднее възвратимся. Бывшю бо великому тому снятию и добрымъ мужемъ главами своими покывающе за святую Софью, милосердыи /л.146./ господь посла милость свою въскорЂ, не хотя смерти грЂшнику до конца, кажа нас и пакы милуя, отврати ярость свою от нас, и призрЂ милосерднымь си окомь: силою креста честнаго и помощью святыя Софья, молитвами святыя владычица нашея Богородица приснодЂвица Мария и всЂх святыхъ, пособи богъ князю Дмитрию и новгородцемъ, мЂсяца ферваря 18, на память святого отца Лва, в суботу сыропустную; и гониша ихъ, бьюче, и до города, въ 3 пути, на семи верстъ, якоже не мочи ни коневи ступити трупиемь. И тако въспятишася от города, и узрЂша иныи полчищь свинью великую, которая бяше вразилася въ возникы новгородьскыЂ; и хотЂша новгородци на нихъ ударити, но инии рекоша: «уже есть велми к ночи, еда како смятемся и побиемся сами»; и тако /л.146об./ сташа близъ противу собЂ, ожидающе свЂта. Они же оканьнии крестопреступници, не дождавъше свЂта, гюбЂгоша. Новгородци же стояша на костехъ 3 дни, и приЂхаша в Новъгородъ, привезоша братию свою избьеныхъ, и положиша посадника Михаила у святои Софьи. Буди, господи боже милостивыи человЂколюбче, въ ономь вЂцЂ стати со всЂми угодившими ти от вЂка, иже кровь свою прольяша за святую Софью, животъ свои отдавше честно. И даша посадничьство ПавшЂ Онаньиничю; а тысячьского не даша никомуже, ци будеть Кондратъ живъ. В лЂто 6777 [1269]. Придоша НЂмци в силЂ велицЂ подъ Пльсковъ в недЂлю ВсЂх святыхъ, и приступиша к городу, и не успЂша ничтоже, но большюю рану въсприяша, и стояша 10 днии. Новгородци же съ /л.147./ княземь Юрьемь погонишася по нихъ, инии на конихъ, а инии в насадЂхъ поЂхаша вборзЂ; и яко увЂдаша НЂмци новгородьскыи полкъ, побЂгоша за рЂку. Новгородци же приЂхаша въ Пльсковъ, и взяша миръ чресъ рЂку на всеи воли новгородьскои. Того же лЂта приЂха князь Ярославъ в Новъгородъ, и нача жалити: «мужи мои и братья моя и ваша побита; а вы розъратилися с НЂмци», на 2 Жирослава

 1 Между буквами Ђ и х в листе небольшое отверстие, существовавшее до того, как текст был написан.

Давыдовича и на Михаила Мишинича и на Юрья Сбыславича, хотя ихъ лишити волости. Новгородци же сташа за них; князь же хотЂ из города Ђхати 1. Новгородци же кланяхуся ему: «княже, тЂмъ гнЂва отдаи, а от нас не Ђзди»; еще бо не добрЂ ся бяху умирили с НЂмци. Князь же того не послуша и поЂха проче. И послаша владыку /л.147об./ с вятшими мужи с молбою, и въспятиша и с Броньници. Тогда же даша тысячьское Ратибору Клуксовичю по княжи воли, Того же лЂта, на зиму, князь Ярославъ, с новгородци сдумавъ, посла на Низовьскую землю Святъслава полковъ копитъ, и совкупи всЂх князии и полку бещисла, и приде в Новъгородъ; и бяше ту баскакъ великъ володимирьскыи, именемь Амраганъ, и хотЂша ити къ Колываню. И увЂдавше НЂмци, прислаша послы с молбою: «кланяемся на всеи воли вашеи, Норовы всеи отступаемся, а крови не проливаите»; и тако новгородци, гадавше, взяша миръ на всеи воли своеи. Князь же хотЂ ити на КорЂлу, и умолиша и новгородци не ити на КорЂлу; князь же отсла полкы назадъ.

В лЁто 6778 [1270]. Преставися /л.148./ Варламъ, игуменъ святого Георгия, архимандритъ новгородьскыи. Того же лЂта бысть мятежь в НовЂгородЂ: начаша изгонити князя Ярослава из города, и съзвониша вЂче на Ярославли дворЂ, и убиша Иванка, а инии вбЂгоша в Николу святыи; а заутра побЂгоша къ князю на Городище тысячьскыи Ратиборъ, Гаврило Кыяниновъ и инии приятели его. И взяша домы ихъ на разграбление и хоромы рознесоша; а къ князю послаша на Городище, исписавше на грамоту всю вину его: «чему еси отъялъ Волховъ гоголными ловци, а поле отьялъ еси заячими ловци; чему взялъ еси Олексинъ дворъ Морткинича; чему поималъ еси серебро на МикифорЂ Манускиничи и на РоманЂ Болдыжевичи и на ВарфломЂи; а иное, чему выводишь от нас иноземца, /л.148об./ котории у насъ живуть», а того мкого вины его; «а ныне, княже, не можемъ терпЂти твоего насилья; поЂди от насъ, а мы собЂ князя промыслимъ». Князь же присла на вЂче Святьслава и АндрЂя Воротиславича с поклономь: «того всего лишюся, а крестъ цЂлую на всеи воли вашеи». Новгородци же отвЂчаша: «княже, поЂди проче, не хотимъ тебе; али идемъ всь Новъгородъ прогонитъ тебе». Князь же поиде из города по неволи; новгородци же послаша по Дмитрия Александровича; Дмитрии же отречеся, тако река: «не хочю взяти стола передъ стрыемь своемь». И быша новгородци печални; а Ярославъ нача полкы копити на Новъгородъ, и бЂ послалъ къ цесарю татарьску Ратибора, помочи прося на Новъгородъ. И се учювъ князь Василии Ярославич, /л.149./ присла послы в Новъгород, река тако: «кланяюся святои Софьи и мужемъ новгородцемъ; слышалъ есмь, аже Ярославъ идеть на Новъгородъ со всею силою своею, и Дмитрии с переяславци, и ГлЂбъ съ смолняны; жаль ми своея отчины»; а самъ поЂха в Татары, поима съ собою Петрила Рычага и Михаила Пинещинича, и възврати татарьскую рать, тако рекъ цесареви: «новгородци прави, а Ярославъ виновать». Уже бо бяше цесарь отпустилъ рать на Новъгородъ по Ратиборову лживому слову, рече бо Ратиборъ цесарю: «новгородци тебе не слушають; мы дани прошали тобЂ, и они нас выгнали, а инЂхъ избили, а домы наша розграбили, а Ярослава бещьствовали». Новгородци же поставиша острогъ около города по обЂ странЂ, а товаръ въ/л.149об./возиша в город. И пригониша сторожи Ярославли мало не до Городища, и выидоша всь град въ оружии от мала и до велика къ Городищю, и стояша два дни пЂши за Жилотугомъ, а коневьници за Городищемь. То увЂдавъ, Ярославъ гоиде об ону сторону к РусЂ и сЂде в РусЂ, а в Новъгородъ присла Творимира: «всего, что вашего нелюбия до мене, того лишаюся; а князи вси за мене поручатся». Новгородци же послаша к нему Лазоря Моисиевича: «княже, сдумалъ еси на святую Софью; поЂди, ать изъмремъ честно за святую Софью; у нас князя нЂтуть, но богъ и правда и святая Софья, а тебе не хочемъ».

 1 В рукописи грамоу

 2 Буква ы неясна.

 3 В рукописи чернильное пятно и буквы н зь неясны.

И совкупися в Новъгородъ вся волость Новгородьская, пльсковичи, ладожане, КорЂла Ижера, Вожане; и идоша в Голино /л.150./ от мала и до велика, и стояша недЂлю на бродЂ, а Ярославль полкъ об ону сторону. И присла мктрополитъ грамоту 1 в Новъгородъ, река тако: «мнЂ поручилъ богъ архиепископию в Русьскои земли, вамъ слушати бога и мене; кръви не проливаите, а Ярославъ всеЂ злобы лишается, а за то язъ поручаюся; аже будете и крестъ цЂловали, язъ за то прииму опитемью и отвЂчаю за то пред богомь». И не да богъ кровопролития христьяномъ. И присла Ярославъ с поклономь в новъгородскыи полкъ, и взяша миръ на всеи воли новгородьскои, и посадиша Ярослава, и водиша и къ кресту. Того же лЂта, на зиму, иде князь Ярославъ въ Володимирь, и оттолЂ иде въ Орду, а в НовЂгородЂ остави АндрЂя Воротиславича; а пльсковиче/л.150об./мъ дасть князя Аигуста.

В лЂто 6779 [1271]. Померче солнце въ 5-ю недЂлю поста средЂ утра и пакы ыаполнися, и ради быхомъ. Того же лЂта постави церковь святого Савы Федоръ Хотовичь. Поставиша же и другую церковь Козмы 2 и Демьяна на Холопьи улици.

Б лЂто 6780 [1272]. Преставися князь великыи Новгородьскыи Ярославъ Ярославичь в ТатарЂхъ, и положиша и въ ТфЂри у святою Козмы и Демьяна. И присла Дмитрии князь 3 послы своя в Новъгород с поклономь, хотя сЂсти в НовЂгородЂ; а Василии Ярославичь такоже присла с поклономь, хотя сЂсти на столЂ. И сташа обои послы на Ярославли дворЂ; новгородци же съ посадникомь Павшею яшася по Дмитрия и послаша по него. Того же лЂта приЂха князь Дмитрии Александрович в Новъгород и сЂде на столЂ мЂсяца октября въ 9. /л.151./

 

 1 От с.лов мЂсяца априля начинается текст извегтия 6807 г. (см. КАТ). Пропуск текста ряда годов в Синод. сп. появился, очевидно, в результате утери листа или листов, происшедшей не позже XIV— XV вв.: нумерация тетрадей, сделанная в XV или XIV—XV вв., не обнаруживает утери. Не обнаруживают утери листа или листов и показания разлиновки листов.

[1299] МЂсяца 1 априля 18, в суботу великую, въ 1 час ночи, загорЂся на Варяжьскои улици, и створися горе велико, по нашимъ грЂхомъ въздвижеся буря с вихромъ; и тако бысть силенъ огнь вборзЂ, кто, мало что похвативъ, выбЂжа изъ своего двора, а иное все огнь взя. И вержеся огнь из НЂмечьского двора в Неревьскыи конець, загорЂся на Холопьи улици, а тамо того силнЂе огнь, а неревляне на онои сторонЂ, а мостъ великыи огнь заялъ. И тако створися пагуба велика; олна на свЂтЂ богъ и добрии люди уяша; а злии человЂци падоша на грабежи: что въ церквахъ, все разграбиша, бога не боячеся; а вЂдуче казнь божию, в покаяния мЂсто горшее зло створиша: въ святомь ИванЂ надъ товаромь сторожа убиша; а въ свято/л.151об./мь Яко†сторожь сгорЂ; на Торговомъ полу 12 церквии сгорЂ, иконъ не всЂхъ успЂша выносити, ни книг; а въ Христо†церкви нЂколико головъ сгорЂ и два попа сгорЂша; в Неревьскомь конци 10 церквии сгорЂ и многа узорочья въ церквахъ, и мужь добръ сгорЂ ЕлефЂрии Лазоревичь; и бысть заутра печаль и сЂтование в радости мЂсто. То же все бысть грЂхъ дЂля нашихъ; събыстся пророчесгво Исаия пророка, еже рече: «преложю праздникы ваша въ плач, и игрища ваша в сЂтование, да быхом ся остали от злобъ своихъ; твоя бо есть, господи, власть казнити и пакы миловати. Казнивъ, господи, помилуи ны». Того же лЂта мЂсяца маия 22, на иамять святого мученика Висилиска, в пяток 4-и недЂли по ПасцЂ, въ 7 час дни, преставися архиепископъ новгородскыи Климентъ, бывъ въ епископии лЂт 23, и по/л.152./ложенъ бысть въ притворЂ святыя София от владычня двора архимандритомь Кюриломь и всЂми игумекы и всЂмь ерЂискымь чиномь и посадникомь АндрЂемь и всЂми новгородци. Того же лЂта преставися Довмонтъ, князь Пльсковьскыи, много пострадавъ за святую Софью и за святую Троицю. По преставлении же Климонто†новгородци, много гадавше с посадникомь АндрЂемь, възлюбиша вси богомь назнаменана мужа добра и смЂрена Феоктиста, игумена святого БлаговЂщения; и съзвонивше вЂче у святои Софьи, князь Борисъ АндрЂевич со всЂми новгородци въведоша его с поклономь, и посадиша и въ владычни дворЂ, донде увЂдають, кдЂ митрополит.

 1 В рукописи макси

 2 Буква ч над строкой. Также и ниже.

В лЂто 6808 [1300]. ПриЂха Максим 1 митрополитъ в Новъгородъ, и ростовьскыи епискояъ Семенъ, и тфЂрьскы/л.152об./и епископъ АндрЂи, и поставиша архиепископа Новугороду Феоктиста; знаменаша его въ церкви святою Бориса и ГлЂба, мЂсяца июля 29; того же мЂсяца и поставиша его въ святои Софьи, на память святою апостолу Петра и Павла; и бысть радость Новугороду о своемь владыцЂ. Того же лЂта, веснЂ, погорЂ Новыи торгъ. ТоЂ же весны заложиша церковь камену святого Михаила на Михаило†улици. Того же лЂта срубиша 4 церкви: святыя Богородица в манастыри въ ЗвЂринци, и святого Лазоря, и святого Дмитрия на Бояни улкЂ, и святою Бориса и ГлЂба на ПодолЂ. Того же лЂта придоша изъ замория СвЂи в силЂ велицЂ в Неву, приведоша изъ своеи земли мастеры, из великого Рима от папы мастеръ приведоша нарочитъ, поставиша городъ надъ Невою, на усть Охты рЂкы, и /л.153./ утвердиша твердостию несказаньною, поставиша в немь порокы, похвалившеся оканьнии, нарекоша его ВЂнець земли: бЂ бо с ними намЂстникъ королевъ, именемь Маскалка; и посадивше в немь мужи нарочитыи с вое. водою СтЂнемъ и отъидоша; князю великому тогда не будущю в НовЂгородЂ.

В лЂто 6809 [1301]. Приде князь великыи АндрЂи с полкы низовьскыми, и иде с новгородци къ городу тому, и приступиша к городу, мЂсяца мая 18, на память святого Патрикия, въ пяток пред Сшествием святого духа, и потягнуша крЂпко; силою святыя Софья и помощью святою Бориса и ГлЂба твердость та ни во чтоже бысть, за высокоумье ихъ; зане всуе трудъ ихъ безъ божия повелЂния: град взят бысть, овыхъ избиша и исЂкоша, /л.153об./ а иныхъ извязавше поведоша с города, а град запалиша и розгребоша. А покои, господи, въ царствии своем душа тЂхъ, иже у города того головы своя положиша за святую Софью.

В лЂто 6810 [1302]. Заложиша город каменъ Новугороду. Того же лЂта заложиша церковь камену святою Бориса и ГлЂба, которая порюшилася. Того же лЂта посылаша послы за море в Доньскую землю, и привезоша миръ докончавше. Того же лЂта поиде князь великыи АндрЂи в Татары. Того же лЂта свершиша церковь святого Михаила на Михаило†улици.

В лЂто 6811 [1303]. Отъяша посадничьство 2 у Семена Климовича и даша брату его АндрЂю. Того же лЂта срубиша 4 церкви деревяны: святого Георгия в Торгу, и святого Ивана Ишкову, и святою Козмы и Демь/л.154./яна на Холопии улици, и святого Георгия на Борько†улици. В то же лЂто, на зиму, бысть зима тепла, не бысть снЂга чересъ всю зиму, и не добыша люди хлЂба, и бысть дороговь велика, туга велика и печаль людемъ. Но не отчаемъся милости твоея; кажа, господи, накажи, а смерти не предаи: аще бо сгрЂшихомъ, но тебе не отступихомъ; казнивъ, помилуи, господи человЂколюбче, не по нашимъ дЂломъ злымъ, но по своеи велицЂи милости: ты еси богъ нашь, раз†тебе иного бога не знаемъ.

В лЂто 6812 [1304]. Преставися великыи князь АндрЂи Александрович, внукъ великого Ярослава, мЂсяца июля 27, на память святого ПантелЂимока, постригъся въ скиму, и положенъ бысть на Городци; а бояре его Ђхаша во ТфЂрь. И /л.154об./ сопростася два князя о великое княжение: Михаило Ярославич ТфЂрьскыи и Юрьи Данилович Московьскыи, и поидоша въ Орду оба, и много бысть замятни Суждальскои земли во всЂхъ градЂхъ. А в Новъгород вослаша тфЂричи намЂстникы Михаиловы силою, и не прияша ихъ, но идоша новгородци в Торжекъ блюстъ Торжку, и совкупиша всю землю противу, и съсылаючеся послы, розъЂхашася, докончавше до приЂзда князии.

В лЂто 6813 [1305]. Постави Семенъ Климович церковь камену на воротЂхъ от Прусьскои улици. Того же лЂта дЂлаша мостъ новъ чересъ Волховъ. Того же лЂта священа бысть церкы святою мученику Бориса и ГлЂба великымъ священиемь архиепископомь новго/л.155./родскымь Фектистомь, мЂсяца декабря 9, на зачатье святыя Анны, въ державу христолюбиваго князя Михаила.

ЛЂта 6814 [1306].

ЛЂта 6815 [1307].

 1 В рукописи всеводича

В лЂто 6816 [1308]. СЂде князь великыи Михаило Ярослазичь, внукъ великого Ярослава Всеволодича 1, въ НовЂгородЂ на столЂ, в недЂлю, на Сборъ святыхъ отець 630, иже в ХалкидонЂ. Того же лЂта, на зиму, выиде архиепискоаъ Фектистъ изъ владычня двора, своего дЂля нездоровия, благословивъ Новъгородъ, и иде в манастырь къ БлаговЂщению святыя богородица, изволивъ молчаньное житие. Новгородци же вси съ игумены и со всЂмь ерЂискымь чиномь възлюбиша богомь избрана и святою Софьею отца его духовнаго Давыда, и съ честью посадиша и въ владычни дворЂ, /л.155об./ а Фектистъ благослови его въ свое мЂсто, и послаша его к митрополиту ставитъся. Того же лЂта Якимовая Столбовича постави церковь камену на княжи дворЂ святыхъ Отець 318, иже в Никии.

В лЂто 6817 [1309]. Поставленъ бысть въ Володимири архиепископъ Новугороду Давыдъ Петромь митрополитомь, мЂсяца июня 5, на память святого Никандра, и приде в Новъгород мЂсяца июля 20, на Ильинъ день, и срЂтоша и игумени и попове и всь Новъгород съ честью съ кресты, и посадиша и на столЂ; и ради быша новгородци своему владыцЂ. Того же лЂта, на зиму, даша посадничьство Михаилу Павшиничю.

В лЂто 6818 [1310]. Ходиша новгородци в лодьяхъ и в лоивахъ въ озеро, и идоша в рЂку Узьерву, и срубиша городъ на порозЂ новъ, ветхыи сметавше. Того же лЂта постави церковь камену на Коло/л.156./мцах архимандрит Кюрилъ УспЂние святыя богородица; а другую камену поставиша церковь на ДубенкЂ Покров святыя богородица, стяжаниемь раба божия Олония мниха. Того же лЂта, на зиму, грабиша села около Новагорода. Тои же зимы преставися архиепископъ новгородскыи Фектистъ, мЂсяца декабря 23, на память святыхъ мученик 10, иже въ КритЂ, и положенъ бысть въ церкви, в манастыри святыя богородица БлаговЂщения, честно всЂмь ерЂискым чиномь.

 1 В рукописи какамени

 2 Буквы го едва заметны.

 3 Буква ъ неясна.

 4 На нижнем поле другими чернилами вы

В лЂто 6819 [1311]. Ходиша новгородци воиною на НЂмецьскую землю за море на Емь съ княземь Дмитриемь Романовичемь, и переЂхавше море, взяша первое Купецьскую рЂку, села пожгоша, и головы поимаша, а скотъ исЂкоша; и ту убиенъ бысть Костянтинъ, Ильинъ сынъ Станимировича, в загонЂ. Потомь взя/л.156об./ша Черную рЂку всю, и тако по Чернои придоша к городу Ванаю, и взяша город, и пожгоша; а НЂмци възбЂгоша на ДЂтинець: бяше бо мЂсто велми силно, твердо, на камени 1 высоцЂ, не имЂя приступа ниоткуду же; и сослаша с поклономь, просяще мира; новгоровци же мира не даша. И стояша 3 дни й 3 ночи, волость труче, села великая пожгоша, обилие все потравиша, а скота не оставиша ни рога; и потомь идуче, взяша Кавгалу рЂку и Перну рЂку, и выидоша на море, и придоша здорови вси в Новъгородъ. Тои же весны, мая 19, в ночь, загорЂся на Яне†улици, и сгорЂ 2 дворовъ безъ 3-и 40, а головъ 3 сгорЂ 7-ро. И потомь июня 28, в ночь, загорЂся на Розважи улици ГлЂбовъ дворъ 4, и по/л.157./горЂ конець Неревьскыи, сЂмо до гребли, а сЂмо и за Борькову улицю; и сгорЂ церковь святою Козмы и Демьяна, и другая святого Савы, и четыридесят церковь огорЂ, и домове добрии. О, горе, братие, лютъ бяше пожаръ, с вЂтромь и вихромь, а злии человЂци и недобрии, бога не боячеся, видяще людемъ погыбель, пограбиша чюжая имЂния. Потомь июля 16, в ночь, загорЂся на ИльинЂ улици, и ту такоже бысть лютъ пожаръ, вихромь наборзЂ, трЂскомь; и погорЂ торгъ, и домове по Рогатицю, а церквии сгорЂ деревяныхъ 7: святого Дмитрия и святого Георгия и святою Бориса и ГлЂба, и святого Ивана Ишкова, и святыя Катерины, и святого Прокопья и Христова; а каменыхъ 6 огорЂ, 7-я Варяжьская. А оканьнии человЂци, такоже бога не боящеся, /л.157об./ ни суда божия помняще, ни жалующе своея братья, пограбиша чюжая имЂния. Въздажь имъ, господи, по дЂломъ ихъ. Того же лЂта отъяша посадничьство у Михаила и даша Семену Климовичю. Того же лЂта архиепископъ Давыдъ постави церковь камену на воротЂхъ от Неревьского конца святого Володимира.

 1 На нижнем поле другими чернилами и почерком написано вы

 2 Буква а неясна.

 3 Буква и неясна.

В лЂто 6820 [1312]. Затратися князь Михаило к Новугороду и намЂстникы своя выведе, не пустя обилья в Новъгород, а Торжекъ зая и БЂжичи и всю волость. И иде владыка Давыдъ во ТфЂрь веснЂ, в роспутье, и доконча миръ; князь ворота отвори, а намЂстникы своя присла в Новъгородъ. Того же лЂта владыка Давыдъ заложи церковь камену в Неревьскомь конци, на своемь дворищи, во имя святого отца Николы. 1 /л.158./

В лЂто 6821 [1313]. ВыЂха посадникъ ладожьскыи с ладожаны въ воину; и по грЂхомъ нашимъ изъЂхаша НЂмци Ладогу и пожгоша. Того же лЂта священа бысть церкы каменая святого Николы в Неревьскомь конци, юже созда архиепископъ Давыдъ, и створи в неи вседеньнуюслужбу, и черньци совъкупи.

В лЂто 6822 [1314]. Избиша КорЂла городчанъ, кто былъ Руси в КорЂльскомь городкЂ, и въведоша к собЂ НЂмець; новгородци же с намЂстникомь Федоромь идоша на нихъ, и передашася КорЂла, и избиша новгородци НЂмець и КорЂлу перевЂтниковъ. Того же лЂта приЂха Федоръ Ржевьскыи в Новъгород от князя Юрья с Москвы, и изъима намЂстникы Михаиловы, и держаша ихъ въ владычни дворЂ, а новго/л.158об./родци с княземь Федоромь поидоша 2 на Волгу; и выиде князь Дмитрии Михаилович со ТфЂри и ста об ону сторону Волгы, и тако стояша и до замороза, а Михаилу князю тогда сущю въ ОрдЂ. Посемь докончаша съ Дмитриемь миръ, и оттолЂ послаша по князя Юрья на Москву, на всеи воли новгородскои; а сами възвратишася в Новъгород. Тои же зимы, пред великымь заговЂниемь, приЂха князь Юрьи в Новъгород на столъ съ братомь Афанасьемь; и ради быша новгородци своему хотЂнию. Тои же зимы хлЂбъ бяше дорогъ в НовЂгородЂ; а въ Пльско†почали бяху грабити недобрии людие села и дворы в городЂ и клЂти на городЂ, и избиша ихъ пльсковичи съ 50 человЂкъ; и потомь бысть тихо.

В лЂто 6823 [1315]. Поиде князь великыи 3 /л.159./ Юрьи из Новагорода, позванъ въ Орду от цесаря, марта 15, в суботу Лазореву, оставивъ в НовЂгородЂ брата своего Афанасья. Того же лЂта поиде князь Михаило изъ Орды в Русь, ведыи с собою Татары, оканьнаго Таитемеря. Услышавше же новгородци съ княземь Афанасьемь, изидоша к Торжку и пребыша ту съ 6 недЂль, вЂсть переимаюче. Тогда же поиде князь Михаило со всею Низовьскою землею и с Татары к Торжку; новгородци же съ княземь Афанасьемь и с новоторжци изидоша противу на поле. Бысть же то попущениемь божиемь: съступившема бо ся полкома обЂма, бысть сЂча зла, и створися немало зла, избиша много добрыхъ муж и бояръ новгородскыхъ: ту убиша АндрЂя Климовича, Юрья Мишинича, Михаила Павшинича, Силвана, ТимофЂя АндрЂянова сына тысяцьского, /л.159об./ Онанью Мелуева, Офонаса Романовича и купець добрыхъ много, а иныхъ новгородцевъ и новоторжьцевъ богъ вЂсть; а инии останокъ вбЂгоша в город и затворишася в городЂ с княземь Афанасьемь. И присла князь Михаило к новгородцемъ в Торжекъ: «выдаите ми князя Афанасья и Федора Жревьского, а язъ с вами миръ докончаю».

 1 В рукопис.и

 2 Числовая буква д (4) переделана киноварью из буквы е, написанной простыми чернилами.

И рекоша новгородци: «не выдаемъ Афанасья, но измремъ вси честно за святую Софью». И присла князь Михаило опять: «выдаите ми Федора Жревьского»; и не хотЂвше выдати, по неволи выдаша его, и на собЂ докончаша 50000 1 гривен серебра, и докончаша миръ и крестъ цЂловаша. И по миру князь Михаило призва к собЂ князя Афанасья и бояры новгородскыи, и изъима ихъ, и посла на ТфЂрь в тали, а останокъ людии в городЂ нача продаяти, /л.160./ колико кого станеть, а снасть отъима у всЂхъ. А бои бысть мЂсяца февраря 10, на святого мученика Харлампия. И посла князь Михаило намЂстникы своя в Новъгород, а посадничьство даша Семену Климовичю.

В лЂто 6824 2. [1316] Выидоша намЂстници Михаиловы из Новагорода, и поиде князь Михаило к Новугороду со всею Низовьскою землею; а новгородци учиниша острогъ около города по обЂ сторонЂ, и соидеся вся волость новгородская: пльсковичи, ладожане, рушане, КорЂла, Ижера, Вожане. Князь же Михаило, не дошедъ города, ста въ УстьянЂхъ; и тако мира не возма, поиде проче, не успЂвъ ничтоже, но болшюю рану въсприимъ: възвративше бо ся въспять, заблудиша въ озерЂхъ и в болотЂхъ; и начаша мерети гладомь, ядяху же и конину, а сна/л.160об./сть свою пожгоша, а иное пометаша; и придоша пЂши в домы своя, приимше рану немалу. Того же лЂта, еще не дошедшю князю Михаилу до города, яша Игната БЂска, и биша и на вЂчи, и свергоша и с моста въ Волховъ: творяхуть бо его перевЂтъ державша к Михаилу; а богъ то вЂсть. Тогда же и Данилъко Писцевъ убьенъ бысть на рли от своего холопа: обадилъ бо его бяше к горожаномъ, тако река: «посылалъ мя с грамотами къ Михаилу князю».

В лЂто 6825 [1317]. Послаша новгородци владыку Давыда къ князю Михаилу с молбою, просяще на окупъ братьи своеи, кто у князя в талехъ; и не послуша его князь. Того же лЂта приходиша НЂмци въ озеро Ладожьское и побиша много обонижьскыхъ купець.

В лЂто 6826 [1318]. Ходиша новгородци воиною за море, /л.161./ в Полную рЂку, и много воеваша, и взяша Людеревъ город сумьского князя и пискупль; и придоша в Новъгород вси здорови. Того же лЂта выиде князь великыи Юрьи изъ Орды с Татары и со всею Низовьскою землего, и поиде ко ТфЂри на князя Михаила. И, приславъ Телебуту, позва новгородци; и они, приЂхавше в Торжекъ, и докончаша съ княземь Михаиломь, како не въступатися ни по одиномь: понеже не вЂдяху князя Юрья, кдЂ есть, и придоша пакы в Новъгород. Князю же Юрью пришедшю с полкы близь ТфЂри за 40 верстъ, и ту выиде на нь князь Михаило со ТфЂри, и съступишася, и бысть сЂча зла, много паде головъ о князи Юрьи; а брата его Бориса и княгыню Юрьеву яша и приведоша во ТфЂрь, тамо ю и смерти предаша; а самъ прибЂжа в Новъгородъ, и позва новго/л.161об./родцевъ съ собою, и идоша с ним всь Новъгородъ и Пльсковъ, поимше владыку Давыда съ собою; и пришедше на Волгу, и докончаша с Михаиломь княземь миръ, како ити въ Орду обЂма, а брата Юрьева и княгыню пустити. И придоша новгорэдци вси в Новъгород, веснЂ сущи; а князь Юрьи иде на Москву и оттолЂ въ Орду.

 

 

В лЂто 6827 [1319]. Уби цесарь въ ОрдЂ князя ТфЂрьского Михаила, а великое княжение дасть Юрью, и сына Михаилова Костянтина, и бояры его; и присла князь Юрьи в Новъгород брата Афанасья.

В лЂто 6828 [1320]. Ходи князь Юрьи ратью на Рязань на князя Ивана Рязаньского, и докончаша миръ.

В лЂто 6829 [1321]. Ходи князь Юрьи ратью на Дмитрия Михаиловича ТфЂрьского и приде в Переяславль с полкы. И ту присла князь Дмитрии владыку тфЂрьского, и доконча/л.162./ша миръ на дву тысячю серебра, а княжения великого Дмитрию не подъимати. Того же лЂта, мЂсяца июня 26, бысть знамение въ солнци пред обЂднею: чисту сущю небу, внезапу померче солнце яко на час, и бысть яко мЂсяць 5 ночии, и тма бысть яко в зимнюю ночь, и пакы наиолнися по малу; и ради быхом.

 1 В рукописи познанъ

В лЂто 6830 [1322]. Приде князь Юрьи в Новъгород, позванъ 1 новгородци, и повелЂ порокы чинкти. Тогда же приходиша НЂмци ратью къ КорЂльскому городку и не взяша его. Того же лЂта поиде князь великыи Юрьи с новгородци къ Выбору, городу нЂмецьскому; и биша и 6-ю пороковъ, твердъ бо бЂ, и избиша много НЂмедь в городЂ, а иныхъ извЂшаша, а иныхъ на Низъ поведоша; и стоявше мЂсяць, приступиша и не взяша его, но за грЂхы наша нЂколико муж добрыхъ паде. /л.162об./ Того же лЂта преставися князь Афанасии, брат Юрьевъ, постригъся в черньци; и положиша и у святого Спаса на Городищи. Того же лЂта ходи князь Дмитрии Михаиловичь въ Орду, и подъя великое княжение. Того же лЂта приходи в Русь посолъ силенъ изъ Орды, именемь Ахмылъ, и много створи пакости по Низовьскои земли, много посЂче христьянъ, а иных поведе въ Орду. Князь же Юрьи пришедъ от Выбора, и поиде на Низъ, много моливъ новгородци, а быша и проводили. И бывшю ему на УрдомЂ, и ту князь Александръ Михаиловичь со ТфЂри нападе на нь, да князь Юрьи самъ убЂжа в малЂ и вбЂжа въ Пльсковъ, а товаръ его всь разграбиша, а въ Пльско†бяше Литовьскыи князь Давыдко; и оттолЂ призваша и новгородци по крестному цЂлованию. /л.163./

В лЂто 6831 [1323]. Ходиша новгородци съ княземь Юрьемь и поставиша город на усть Невы, на ОрЂховомь островЂ; ту же приЂхавше послы великы от свЂиского короля и докончаша миръ вЂчныи съ княземь и с Новымьгородомь по старои пошлинЂ. Того же лЂта воеваша Литва Ловоть, и угониша ихъ новгородци, и биша я, а инии убЂжаша. Того же лЂта заратишася устьюжане с новгородци, изъимаша новгородцевъ, кто ходилъ на Юргу, и ограбиша ихъ.

В лЂто 6832 [1324]. Идоша новгородци с княземь Юрьемь на Заволочье, и взяша Устьюгъ на щитъ, и придоша на Двину, и ту прислаша послы князи устьюжьскыи къ князю и к новгородцемъ и докончаша миръ по старои пошлинЂ; и придоша новгородци вси здорови; /л.163об./ а князь Юрьи поиде въ Орду изъ Заволочья по КамЂ рЂцЂ. Того же лЂта свершиша Христову камену церковь, и свяща ю владыка Давыдъ. Тои же зимы преставися архиепископъ новгородьскыи Давыдъ, мЂсяца февраря 5, на память святои мученици Агафьи; и положиша и въ притворЂ у святои Софьи, посторонь Климента. Тогда же сдумавше новгородци и игумени и попове и черньци и всь Новъгород, възлюбиша вси богомь назнаменана Моисия, преже бывша архимандритомь у святого Георгия, потомь вышелъ бяше по своеи воли къ святои Богородици на Коломци въ свои манастырь, и възведоша и на сЂни, и посадиша и въ владычни дворЂ, дондеже позоветь его митрополитъ.

 11 В рукописи и и много

 2 Последние буквы неясны.

В лЂто 6833 [1325]. Приде изъ Орды князь Олександръ Михаиловичь, и Татарове с нимь должници, и 1 /л.164./ много 1 бысть тяготы на Низовьскои земли. Того же лЂта поЂха владыка Моисии к митрополиту ставитъся на Москву; и привезоша при нем князя великого Юрья изъ Орды, сына Данилова, внука Александрова, и погребоша и митрополитъ Петръ и архиепископъ Моисии и тфЂрьскыи епископъ Варсонофии и ростовьскыи епископъ Прохоръ, рязаньскыи епископъ Григории, в суботу 1 поста; и плакася его князь Иванъ и всь народ плачемь великым, от мала и до велика: убилъ бо и бяше въ ОрдЂ князь Дмитрии Михаилович безъ цесарева слова; не добро же бысть и самому: еже бо сЂеть человЂкъ, тоже и пожнеть.

В лЂто 6834 [1326]. ПриЂха в Новъгородъ поставленъ архиепископъ Моисии, во вторник на вербьнои недЂли. Того же лЂта, мЂсяца августа 28, загорЂся на Бояни улкЂ, и погорЂ до половины Рогатици, а Славкова 2 улица от Дмитрия святого и до поля и церкы святого Климента сгорЂ. /л.164об./ Того же лЂта уби цесарь въ ОрдЂ князя Дмитрия Михаиловича. Тои же зимы преставися митрополить Петръ всея Руси на МосквЂ, и положиша и въ церкви святыя Богородица, юже самъ началъ здати камену; молитвами его у гррба его створи богъ чюдеса. Того же лЂта приЂхаша послы из Литвы: брат ГЂдиминовъ князя Литовьского Воини Полотскыи князь, Василии МЂньскыи князь, Федоръ Святьславич; и докончаша миръ с новгородци и с НЂмци.

В лЂто 6835 [1327]. Бысть мятежь в НовЂгородЂ, и пограбиша дворъ Остафьевъ Дворянинцевъ и пожгоша всь. Того же лЂта постави церковь святои богородици Рожество архиепископъ Моисии въ ДесятинЂ. Того же лЂта, на УспЂнье святыя богородица, князь Александръ Михаиловичь изби Татаръ много во ТфЂри и по инымъ городом, и торговци гость хопыльскыи исЂче: иришелъ бо бяше посолъ силенъ изъ /л.165./ Орды, именемь Шевкалъ, съ множествомъ Татаръ. И присла князь Олександръ послы к новгородцемъ, хотя бЂчи в Новъгород, и не прияша его. Того же лЂта присла князь Иванъ Даниловичь намЂстникы своя в Новъгород, а самъ иде въ Орду. На ту же зиму приде рать татарьская множество много, и взяша ТфЂрь и Кашинъ и Новоторжьскую волость, и просто рещи всю землю Русскую положиша пусту, толко Новъгород ублюде богь и святая Софья. А князь Олександръ вбЂжа въ Пльсковъ; а Костянтинъ, брат его, и Василии в Ладогу; и в Новъгород прислаша послы Татарове, и даша имъ новгородци 2000 серебра, и свои послы послаша с ними к воеводамъ съ множествомь даровъ. Убиша же тогда Татарове Ивана, князя Рязаньского.

 1 Возможно, первоначально было къ, так как над строкой видны следы скобления.

В лЂто 6836 [1328]. Ходи князь великыи /л.165об./ Иванъ Данилович и Костянтинъ Михаилович, а новгородци от себе послаша Федора Колесницю, въ Орду кь 1 цесареви; и отпусти я цесарь, повелЂвъ искати князя Александра. И посла князь Иванъ свои послы, а новгородци от себе владыку Моисия и Аврама тысячьского къ князю Олександру въ Пльсковъ, веляче ему, абы пошелъ въ Орду, и не послуша. Того же лЂта погорЂ Юрьевъ НЂмецьскыи всь и божници ихъ, и полаты каменыи скрушившеся падоша; и сгорЂ НЂмець в полатахъ 2000 и 500 и 30, а Руси 4 человЂкы.

В лЂто 6837 [1329]. Приде в Новъгород на столъ князь великыи Иванъ Даниловичь, внукъ Олександровъ, марта 26, на сборъ архангела Гаврила; бяху же с ним и тфЂрьскыи князи Костянтинъ и Василии, и Олександръ Суждальскыи, и иныхъ много русскыхъ князии. /л.166./ Того же лЂта убиша въ Юрье†новгородского посла мужа честна Ивана Сыпа. Того же лЂта приходи в Новъгород митрополитъ, Грьчинъ родомь, именемь Феогностъ. Того же лЂта поиде князь Иванъ со всЂми князи и с Новымьгородомь къ Пльскову ратью; и увЂдавше пльсковичи, выпровадиша князя Олександра от себе, а къ князю Ивану и к новгородцемъ прислаша послы с поклономь въ Опоку, и докончаша миръ. Тои же зимы избиша новгородцевъ, котории были пошли на Юргу, устьюжьскыи князи. Того же лЂта безъ князя и без новгородцевъ загорЂся ОндрЂшковъ дворъ въ ПлотникЂхъ, и погорЂ и до Федора святого, и потом на тои же недЂли погорЂ Ильина улица мало не вся и Лубяница, и церкы святого Спаса и святого Лукы сгорЂ.

В лЂто 6838 [1330]. По/л.166об./стрижеся въ скиму архиепископъ Моисии, по своеи воли, и много молиша и новгородци всЂм Новымьгородомь с поклономь абы пакы сЂлъ на своемь престолЂ, и не послуша, но благослови я, рекъ: «изберЂте от себе мужа такого достоина, а язъ васъ благословляю». И много гадавше новгородци, и быша безъ владыкы съ 8 мЂсяць, и възлюбиша всь Новъгород и игумени и попове богомь назнаменана Григорья КалЂку, мужа добра и смЂрена, попа бывша у святою Козмы и Демьяна на Холопьи улици; и пострижеся въ святыи ангельскыи образъ, мЂсяца генваря, и нареченъ бысть Василии, и посадиша и въ владычни дворЂ, дондеже послють к митрополиту. Тои же зимы приЂхаша послове от митрополита из Велыньскои земли Федорко и Семенко, на страстнои недЂли, позыватъ на ставление. /л.167./ Того 1 же лЂта поставиша Василья въ Велыньскои земли в Новъгородъ.

 1 Весь текст на л. 167 и на л. 167 об. до слов в лЂто 6845 написан одними чернилами и почерком, отличным от предыдущего. Букв, написанных киноварью, нет.

 22 Слова за новгородскую измЂну написаны иными чернилами и почерком по выскобленному. Они вписаны до того, как был написан текст известия 6845 г. на обороте того же листа.

 33 В рукописи лЂ ояша, причем над строкой видны следы скобления.

В лЂто 6839 [1331]. МЂсяца ноября въ 30, на память святого апостола АндрЂя, бысть помрачение въ солнци и стоя от 1-го часа до 3-го.

В лЂто 6840 [1332]. Въсташа крамолници в НовЂгородЂ, и отъяша посадничьство у Федора у Ахмыла и даша Захарьи Михаиловичю, и пограбиша дворъ Смена Судокова, а брата его Сенефонта села пограбиша. Того же лЂта великыи князь Иванъ приде изъ Орды и възверже гнЂвъ на Новъгородъ, прося у нихъ серебра закамьского, и в томъ взя Торжекъ и БЂжичьскыи верхъ за 2 новгородскую измЂну 2. Том же лЂтЂ 3 отъяша посадничьство у Захарья и даша МатфЂю.

В лЂто 6841 [1333]. Приде князь Иванъ в Торжекъ съ всими князи низовьскыми ис рязаньскыми, /л.167об./ и присла в Новъгородъ, сведе намЂстникы а самъ сЂде в Торжьку от Крещения до Сбора, теряя волость Новгородьскую. И послаша новгородьци послы, зовуче его в Новъгород: архимандрита Лаврентия, Федора Твердиславлича, Луку ВалъфромЂева; и онъ молбы не приялъ, а ихъ не послушалъ, а миру не да, поЂха прочь. Того же лЂта архиепископъ новгородьскыи Василии постави городъ каменъ въ два лЂта, и архимандритъ святого Юрья Лаврентии постави стЂны святого Юрья силою 40 саженъ и съ заборолами.

 ] От слов в лЂто 6845 текст писан другой рукою.

 2 Буква о неясна.

 3 Между буквами архи и маидрита оставлено место, испорченное скоблением на лицевой стороне листа в тексте известия 6840 г.

 4 От слов в лЂто 6853-ее текст писан другой рукой.

 5 От слов в лЂто 6860 до конца рукописи текст писан другой рукой.

 6 В рукописи днь

 7 Между строк и на полях вписано мця юля въ 3 а прест в, далее неразборчиво; как будто следы букв велиго

 8 В листе значительное овальное отверстие, существовавшее до того, как был написан текст.

В 1 лЂто 6845 [1337]. Индикта 5 наважениемь дияволимь сташа простая 2 чадь на архимандрита 3 Есифа, а думои старого архимандрита Лаврентия, и створиша вЂче, и запроша Есифа въ церкви святого Николы; и сЂдоша около церкви нощь и день коромолници, стрегуще его. А оже кто подъ другомъ копаеть яму, самъ впадется в ню. /л.168./

В 4 лЂто 6853-ее. [1345] Индикта лЂто 3-ее, поновлена бысть церки си святыи Георгии покровомь, при великомъ князЂ СеменЂ ИвановичЂ, при архиепископЂ новъгородьскомь Василии, при посадницЂ Еустафьи, при тысячьскомь АврамЂ, промысломь божиимь, поспЂшениемь святого мученика христова Георгия, повелЂниемь боголюбиваго архимандрита новъгородьского Есифа. /л.168об./

В 5 лЂто 6860 [1352]. Добиша челомъ новъгородьци, бояре и черныи люди архиепископу новъгородьскому владыцЂ Василию, чтобы «еси, господине, ехалъ нарядилъ костры во ОрЂхо※; и онъ ехавъ, костры нарядилъ, и приеха в Новъгородъ. И приехаша послове изо Пскова, биша челомъ владыцЂ Василию, ркуче такъ: «богови тако изволшю, святои троицЂ, дЂтемъ твоимъ пьсковицемъ богъ реклъ жити дотолЂ, чтобы еси, господине, былъ у святои Троици и дЂтии своихъ благословилъ псковиць». И онъ не умедли поеха, поимя собою архимандрита Микифора, игумены, попове, приеха въ Псковъ, служи въ святои Троици, у святои Богородици на СнЂтнои горЂ, у святого Михаила, у Ивана Богослова, опять въ святои Троици, /л.169./ ходи около города со кресты, и благослови дЂти своихъ всихъ псковиць. Поеха ис города, доеха до Прощеника въ день 6 недЂлныи; обечерившися за Прощеникомъ сь едину версту, на рЂцЂ на ЧересЂ сташа; и разболЂся ту; привезоша его в манастыри ко святому Михаилу, усть Узы рЂки, на ШелонЂ; и приставися ту, на память святого мученика Уакинфа, въ вторникъ 7; привезоша и в Новъгородъ в четвергь, мЂсяця июля въ 5, на память святого отца Лампада; проводи и архиепископъ новъгородьскии 8 владыка МоисЂи, игумени и попове и весь Новъгородъ, и положиша и у святои Софьи притворЂ.

 

 

 

 

 

 

 

 

Вся электронная библиотека